«Նոր վարակներ են տարածվում, կատաստրոֆայի մեջ կհայտնվենք, եթե թթվածնային բալոնները ժամանակին չմատակարարվեն». Ս. Մելիքյան

«Հարցս վերաբերում է թթվածնային բալոններ առաքող մեքենաներին, որոնց մուտքը, չափերի պատճառով, քաղաքի կենտրոն արգելված է՝ հայտնի որոշումով. սա բերում է լուրջ հետևանքների՝ հիվանդանոցները խնդիրներ են ունենում՝ մատակարարումները ժամանակին ստանալու հետ կապված: Չեք կարծո՞ւմ՝ անհրաժեշտ է ցերեկը ժամային գրաֆիկ սահմանել, որ դրանք կարողանան անարգել մտնել կենտրոն»,- Երևանի ավագանու նիստի ժամանակ հարց բարձրացրեց «Մայր Հայաստան» խմբակցության անդամ Սուսաննա Մելիքյանը՝ հավելելով. «Վերջին շրջանում առողջապահական հաստատություններից կողմից արդեն անոնս է արվում նոր, ինչ-որ վարակների տարածման մասին, իսկ դրանք, գիտեք, հիմնականում շնչառական խնդիրներ են առաջացնում, ուստի կատաստրոֆայի մեջ կհայտնվենք, եթե խնդիրը չլուծվի»: