Հութիները ՄԱԿ-ի աշխատակիցների են ձերբակալել

Ենենի հութիները ձերբակալել են ՄԱԿ-ի հաստատությունների առնվազն 9 աշխատակցի, հաղորդում է Associated Press-ը։ Նշվում է, որ ձերբակալվածների թվում են ՄԱԿ-ի Մարդու իրավունքների վարչության, Պարենի համաշխարհային ծրագրի աշխատակիցներ և ՄԱԿ-ի հատուկ բանագնացի գրասենյակի մեկ աշխատակից:

Նշենք, որ զինված «Անսար Ալլահ» ապստամբական խմբավորման անդամ հանդիսացող հութիներն այժմ վերահսկում են Եմենի մեծ մասը, ներառյալ՝ մայրաքաղաք Սանան, ինչպես նաև երկրի հյուսիսային և արևմտյան որոշ հատվածներ: