Զինված հարձակում՝ ՌԴ ՃՈ դասակի վրա․ կան զոհեր

ՌԴ Կարաչաևո-Չերքեզիայի Հանրապետությունում զինված հարձակում է տեղի ունեցել ճանապարհային ոստիկանության դասակի վրա, հաղորդում է ՆԳՆ-ն։ 2 ոստիկան է զոհվել, 4-ը՝ վիրավորվել։ 5 հարձակվողներին ոչնչացրել են պատասխան կրակով։

Ենթադրվում է, որ հարձակում գործած անձինք մասնակցել են ապրիլի 22-ին ոստիկանության աշխատակիցների վրա կատարված հարձակմանը։

Հարուցվել է քրեական գործ։ Դեպքի վայրում մի քանի ինքնաշեն պայթուցիկ սարք է հայտնաբերվել։