«Օհանավանում հայտնաբերված ժայռափոր դամբարանը թողնում է վաղմիջնադարյան կառույցի տպավորություն»․ Համլետ Պետրոսյան

ԵՊՀ մշակութաբանության ամբիոնի վարիչ, պատմական գիտությունների դոկտոր, պրոֆեսոր Համլետ Պետրոսյանը ֆեյսբուքյան իր էջում գրել է․ «Հիանալի գյուտ է, միանշանակ: Բացվել է պատահական, բայց ուզում եմ շնորհավորել բոլորիս նման գյուտի առթիվ:
Ես միայն ծանոթ եմ այս նկարներով և դիտողություններս էլ նախնական են:
Այն թողնում է վաղմիջնադարյան կառույցի տպավորություն՝ պատկից սյուների, քանդակների և խաչի տեսքը ոնց որ ցուցում են 5-7-րդ դարերը:
Դժվար է ասել՝ այն դամբարա՞ն է, մասունքարա՞ն, թե՞ մատուռ, կամ էլ դրանց համադրություն»։

Ավելի վաղ հայտնի էր դարձել, որ Օհանավանի տարածքում՝ Քասախի կիրճում, հայտնաբերվել է միջնադարյան ժայռափոր դամբարան։