Երևան`   +6 °C
Այսօր`   Չորեքշաբթի, 28 փետրվարի, 2024 թ.

Պուտինի դեմ դիմում է ներկայացվել Քննչական կոմիտե

526
Ուրբաթ, 09 փետրվարի, 2024 թ., 22:18
Պուտինի դեմ դիմում է ներկայացվել Քննչական կոմիտե

Քաղաքական գործիչ, «Կոմիտե-2024» ասոցիացիայի նախագահ Սերգեյ Անտոնովը դիմել է ՌԴ Քննչական կոմիտե՝ պահանջելով Ռուսաստանի նախագահ Վլադիմիր Պուտինին բերման ենթարկել «նացիզմի վերականգնման» հոդվածով՝ Թաքեր Քարլսոնի հետ հարցազրույցում հնչեցրած մտքերի պատճառով։ Այս մասին հայտնում են «Կոմիտե 2024»-ի սոցցանցային էջում։
Քննչական կոմիտե դիմելու պատճառ են դարձել Պուտինի խոսքերն այն մասին, որ Լեհաստանն «ստիպել է» Ադոլֆ Հիտլերին նախահարձակ լինել իր վրա։

«Երկրորդ համաշխարհային պատերազմից առաջ, երբ Լեհաստանը համագործակցում էր Գերմանիայի հետ, հրաժարվում էր կատարել Հիտլերի պահանջները, բայց, այնուամենայնիվ, Հիտլերի հետ միասին մասնակցեց Չեխոսլովակիայի մասնատմանը: Բայց, քանի որ չհանձնեց Դանցիգի միջանցքը, լեհերն, այնուամենայնիվ, ստիպեցին, նրանք խաղեր տվին ու ստիպեցին Հիտլերին երկրորդ համաշխարհայինն սկսել հենց իրենցից»,- ասել է Պուտինը Քարլսոնին: «Լեհաստանը, պարզվեց, ինքնասացի է: Հիտլերին ոչինչ չէր մնում, քան իր ծրագրերի իրագործումն սկսել հենց Լեհաստանից»,- հավելել է Պուտինը: