Բելգորոդում ուկրաինացի 65 ռազմագերիներ տեղափոխող ինքնաթիռ է կործանվել. ՌԴ ՊՆ

Ռուսաստանի պաշտպանության նախարարությունը հայտնում է, որ Բելգորոդում կործանվել է ուկրաինացի 65 ռազմագերիների և 9 ռուսաստանցիների տեղափոխող Իլ-76 ինքնաթիռը: «Հունվարի 24-ին, Մոսկվայի ժամանակով ժամը 11:00-ի սահմաններում, Բելգորոդի մարզում վթարի է ենթարկվել Իլ-76 ինքնաթիռը: Օդանավում գտնվել են Ուկրաինայի ԶՈՒ 65 գերեվարված զինծառայողներ, որոնք փոխանակման նպատակով տեղափոխվում էին Բելգորոդի մարզ, օդանավի անձնակազմի 6 անդամ և 3 ուղեկցող»,- նշում է ՊՆ-ը: