«Դիմում եմ աշխարհի հայերին՝ եկեք, արդեն պետություն ենք դառնում»․ ուսուցիչ Սևադա Խոջաբաղյան

Ալեքսանդր Սպենդիարյանի անվան օպերայի և բալետի ազգային ակադեմիական թատրոնում նախօրեին տեղի է ունեցել «Մեր ժամանակների հերոսը» խորագրով մրցանակաբաշխությունը, որի գլխավոր մրցանակին արժանացել է մաթեմատիկայի ուսուցիչ, դպրոցական ձեռնարկների հեղինակ, դպրոցի հիմնադիր Սևադա Խոջաբաղյանը՝ Գորիսից։ «Մենք աշխարհին այնքան գյուտարարներ ենք տվել՝ ուրիշի հողերում, այնքան գիտնականներ ենք տվել՝ ուրիշի հողերում։ Դիմում եմ աշխարհի հայերին՝ եկեք, արդեն պետություն ենք դառնում, եկեք հզորացնենք այն»,- իր ելույթում ասել է մրցանակակիրը։