Ուկրաինայում դոլարի փոխարժեքը հասել է պատմական առավելագույնի
Ուկրաինայի Ազգային բանկը (ՈՒԱԲ) պատմության մեջ առաջին անգամ դոլարի պաշտոնական փոխարժեքը բարձրացրել է 37 գրիվնայից։ Այս մասին հայտնում է RBC-Ukraine գործակալությունը։ ՈՒԱԲ-ի տվյալներով՝ դեկտեմբերի 14-ի դրությամբ դոլարի փոխարժեքը սահմանվել է 37,02 գրիվնա, եվրոյինը՝ 39,92 գրիվնա։ Ավելի վաղ՝ աշնանը, փոխանակման կետերում ոչ պաշտոնական փոխարժեքը հասել էր 43 գրիվնայի մեկ դոլարի դիմաց: Վերլուծաբանները կանխատեսում են, որ տարվա ընթացքում միջին փոխարժեքը կկազմի մոտ 40 գրիվնա մեկ դոլարի դիմաց»,- նշել է գործակալությունը։ Հոկտեմբերի 3-ին Ուկրաինայում կարգավորիչը հայտարարել է գրիվնայի ճկուն փոխարժեքի ներդրման մասին։ Միաժամանակ, Ազգային բանկը բարձրացրել էր գրիվնայի պաշտոնական փոխարժեքը դոլարի նկատմամբ՝ հույս ունենալով պահպանել տեղական արժույթի փոխարժեքը՝ փոխհատուցելով «կառուցվածքային արժույթի դեֆիցիտը» և կանխելով գրիվնայի փոխարժեքի զգալի տատանումները։ Սակայն արդեն հոկտեմբերի 5-ին հայտնի դարձավ, որ Ուկրաինայի բնակիչներն սկսել են զանգվածաբար դոլար գնել՝ վախենալով գրիվնայի փլուզումից։ Նույն օրը Ուկրաինայի նախկին վարչապետ Նիկոլայ Ազարովը Telegram-ի իր ալիքում հրապարակել էր ուկրաինական բանկերից մեկում տարադրամի փոխանակման էլեկտրոնային հերթի կտրոնի լուսանկարը, որտեղ գրված է, որ «հերթում սպասում է 345 մարդ»։ |
«Այս տարի ավելի քան 50 երկրներում, որոնք ներկայացնում են աշխարհի բնակչության կեսը, անց են կացվում ընտրություններ»․ Վահե Դավթյան
9917.05.2024, 17:36«ԵԱՏՄ-ին մասնակցությունը ձեռնտու է Հայաստանին»․ ՌԴ ԱԳՆ
34717.05.2024, 01:24««Կանաչ էներգետիկ փոխակերպում»-ը պրոպագանդիստական փուչիկ է». Վահե Դավթյան
31116.05.2024, 00:54Թուրքիան, Հայաստանը և Չինաստանը՝ ՌԴ մարզերի հետ բեռնաշրջանառության ոլորտում առաջատարներ․ #ТАСС
137113.05.2024, 18:18Ընթանում է ԵԱՏՄ 10-րդ գագաթնաժողովը. ՈՒՂԻՂ ՄԻԱՑՈՒՄ (տեսանյութ)
181308.05.2024, 18:42«ԵԱՏՄ-ն հաստատվել է՝ որպես զարգացող բազմաբևեռ աշխարհի կենտրոններից մեկը». Պուտին (տեսանյութ)
271608.05.2024, 18:36