«Պահուստային ֆոնդի մեծացումը գովալու չի». Արթուր Խաչատրյան

«Պահուստային ֆոնդը որ մեծացել է, շատ գովալու խնդիր չի, դա նշանակում ա՝ չգիտեք ո՞նց բաշխեք, եթե նույնիսկ ունեք լավ նպատակներ»,- ՀՀ 2024թ. բյուջեի մասին օրենքի նախագծի քննարկման ժամանակ, դիմելով Ֆինանսների նախարար Վահե Հովհաննիսյանին, հայտարարեց ընդդիմադիր խմբակցության պատգամավոր Արթուր Խաչատրյանը: «Պահուստի մակարդակը նրանից չի, որ չգիտենք՝ փողը որտեղ ծախսենք, դա հավելյալ բուֆեր է մեզ համար, որպեսզի տարվա ընթացքում եթե մեր ռիսկային սցենարները նյութականացվեն, որևէ ցնցման չենթարկվենք»,- արձագանքեց նախարարը՝ հավելելով, որ գիտեն՝ որտեղ ծախսել, պարզապես զսպում են՝ որոշակի հարցեր լուծելու համար: