«Միր» քարտը կգործի Կուբայում

Կուբայի իշխանություններն ակնկալում են մինչև 2023 թվականի վերջ կղզում կազմակերպել Mir վճարային համակարգի քարտերի գործարկումը։ Այս մասին X սոցիալական ցանցում հայտարարել է հանրապետության զբոսաշրջության նախարար Խուան Կառլոս Գարսիա Գրանդան։
«Կուբայում սկսվում է ռուսական «Միր» քարտերի օգտագործման տեխնոլոգիաների ներդրումը՝ որպես վճարային միջոց»,- պարզաբանել է Գրանդան։

Նա հավելել է, որ այս գործընթացն աստիճանաբար կտարածվի ողջ երկրում։ Նախարարի խոսքով՝ մինչև 2023 թվականի վերջ ծառայությունը կներդրվի զբոսաշրջության ոլորտի մեծ մասում, խանութների ցանցում և սպասարկման կենտրոններում։

Նոյեմբերի կեսերին Վենեսուելայում սկսեց գործել ռուսական «Միր» համակարգը։