«Օգտագործեք այնպիսի տերմինաբանություն, որը հասանելի լինի մեր քաղաքացիներին». Արսենյանը՝ ԿԲ նախագահին

«Ձեր գնահատականները խիստ մասնագիտական են՝ հասկանալի 15 պատգամավորի համար, միգուցե հնարավորություն ունենաք օգտագործել մասնագիտական այնպիսի տերմինաբանություն, որը հասանելի լինի նաև մեր քաղաքացիներին»,- դիմելով 2024թ. բյուջեի մասին օրենքի նախագծի վերաբերյալ Կենտրոնական բանկի եզրակացությունը ներկայացնող ԿԲ նախագահ Մարտին Գալստյանին՝ ասաց ՔՊ-ական պատգամավոր Գուրգեն Արսենյանը: Գալստյանն ընդունեց խորհուրդը՝ հավելելով, որ ԿԲ նախագահները երբ ելույթ են ունենում Սենատում կամ Կոնգրեսում, իրենց խոսակցությունը բացառապես մասնագիտական է. «Բայց կփորձենք լինել մաքսիմալ ճկուն ու պարզ»: Արսենյանն արձագանքեց՝ «երբ հնարավորություն ունենաք Սենատում կամ Կոնգրեսում ելույթ ունենալու, լրիվ մասնագիտական ելույթ ունեցեք»: