«Հայաստանը բարձր տեխնոլոգիաների ոլորտում մրցակից չունի». Հակոբ Արշակյան

«Կարծում եմ՝ բոլորս էլ կարող ենք արձանագրել, որ մրցակցային առավելության տեսանկյունից Հայաստանը բարձր տեխնոլոգիաների ոլորտում չունի մրցակից»,- այս մասին բյուջետային քննարկման ժամանակ ասել է ԱԺ փոխնախագահ Հակոբ Արշակյանը: Նա նշել է, որ բարձր տեխնոլոգիաների ոլորտում նախորդ տարի 60 տոկոսից ավելի աճ է արձանագրվել, աշխատակիցների քանակը գերազանցում է 43 հազարը, իսկ ՀՆԱ-ում կշիռը գերազանցում է 5,1 տոկոսը: Արշակյանի խոսքով՝ սա նշանակում է, որ ապագայում շատ ավելի մեծ ներդրումներ պետք է իրականացվեն: