«Երևանը՝ քարտեզներում» բացառիկ ցուցադրություն՝ ճարտարապետության թանգարանում

Ալեքսանդր Թամանյանի անվան ճարտարապետության ազգային թանգարան-ինստիտուտում օրերս բացվել է բացառիկ ցուցադրություն, որտեղ ներկայացված են Երևան քաղաքի տարբեր ժամանակաշրջաններին վերաբերող քարտեզներ։ Մի շարք թանգարաններից և անձնական հավաքածուներից հավաքված քարտեզներում ներկայացված է ինչպես 17-րդ դարի, այնպես էլ խորհրդային շրջանի Երևանի հատակագծային յուրահատկությունները։ Հատկապես ուշագրավ են ճարտարապետ Ալեքսանդր Թամանյանի անձնական արխիվից ցուցադրվող երկու նմուշները և1937 թվականի Երևանի զարգացման երեք տարբերակները։

Այս ցուցահանդեսը բացառիկ է նաև նրանով, որ մի շարք պետական կառույցներ և անհատ կոլեկցիոներներ համատեղել են իրենց ուժերը, բացել իրենց արխիվներն ու ֆոնդերը՝ ստեղծելու Երևանին նվիրված ամենամեծ ցուցադրություններից մեկը։