Սիրիայում իսրայելական ավիահարվածների հետևանքով զոհվել է չորս զինծառայող

Դամասկոսի մերձակայքում իսրայելական ավիահարվածի հետևանքով չորս սիրիացի զինվոր է զոհվել, նույնքան էլ վիրավորվել է. հայտնում է Սիրիայի պաշտպանության նախարարությունը։
Արաբական Հանրապետության պաշտպանության նախարարության տվյալներով՝ երկուշաբթի առավոտյան Իսրայելի ռազմաօդային ուժերը հրթիռներ են արձակել «օկուպացված սիրիական Գոլանից Դամասկոս քաղաքի մերձակայքում գտնվող մի քանի տեղամասերի ուղղությամբ»։
«Մեր հակաօդային պաշտպանության համակարգերը որսացել են ագրեսորի հրթիռները՝ խոցելով դրանցից մի քանիսը։ Հարձակումը հանգեցրել է չորս զինծառայողի մահվան և ևս չորսի վիրավորմանը, ինչպես նաև նյութական վնասի պատճառ է դարձել»,- ասվում է հաղորդագրությունում։