Թուրքիայի լողափում տասնյակ ականներ են հայտնաբերվել

Թուրքիայում իշխանությունների որոշմամբ փակվել է Ստամբուլի արվարձանում գտնվող տեղական Շիլե հանգստավայրի լողափը՝ առնվազն 28 չպայթած ականների հայտնաբերումից հետո, հաղորդում է NTV-ն։
Նշվում է, որ տեղի բնակիչներից մեկը Սև ծովում ականներ է տեսել ու այդ մասին հայտնել իրավապահ մարմիններին, որից հետո դեպքի վայր են ժամանել ջրասուզակներ ու ականազերծողներ։ Ականների պատկանելությունը և լողափում դրանց հայտնվելու պատճառները չեն նշվում:

Ենթադրվում է, որ արկերը կվնասազերծվեն ու կոչնչացվեն օգոստոսի 2-ին։