Պայթյուն Ռուսաստանի նավթավերամշակման գործարանում. ձերբակալվել է աշխատակիցը

Սամարայի Կույբիշև նավթավերամշակման գործարանում այսօր պայթյուն է տեղի ունեցել։ Այս մասին հայտնել է պատգամավոր, Պետդումայի տեղեկատվական քաղաքականության, տեղեկատվական տեխնոլոգիաների և հաղորդակցությունների կոմիտեի ղեկավար Ալեքսանդր Խինշտեյնը։
«Նախնական վարկածով՝ պայթուցիկ սարք է տեղադրված եղել։ Բարեբախտաբար, լուրջ վնասներ և զոհեր չկան»,- գրել է Խինշտեյնը։

Իրավապահ մարմինների ներկայացուցիչները հայտնել են, որ պայթյունի կազմակերպման մեջ կասկածվողը ձերբակալվել է։ Ինչպես հայտնում է «112» թելեգրամ-ալիքը, սարքը տեղադրել է 42-ամյա Սերգեյ Օ.-ն, ով աշխատում էր ձեռնարկությունում որպես էլեկտրիկ։

Գործարանը Սամարայի մարզի նավթարդյունաբերության խոշորագույն ձեռնարկություններից է, ընկերությունը գործում է 1945 թվականից: