«Տնտեսվարողներն ու անհատ ձեռներեցները ահռելի վնասներ են կրել». ԱԺ պատգամավոր

ԱԺ «Հայաստան» խմբակցության պատգամավոր Գառնիկ Դանիելյանը գրառում է կատարել ֆեյսբուքյան իր էջում. «Հորդառատ անձրևի, ուժգին քամու և կարկուտի արդյունքում Իջևան խոշորացված համայնքում կան վնասված ենթակառուցվածքներ, գույք, տանիքներ, ծառեր։
Առավոտից քաղաքացիներն ու կամավորները աշխատանքներ են տանում՝ մաքրելով համայնքը։
Տնտեսվարողներն ու անհատ ձեռներեցները ահռելի վնասներ են կրել։
Իշխանությունները պետք է հրատապ գույքագրում իրականացնեն և փոխհատուցեն առանց այդ էլ վարկային պարտավորություններ ստանձնած քաղաքացիներին։ Այլապես, շատ տնտեսվարողներ կհայտնվեն սնանկացման եզրին։
Աղետի առաջ մարդիկ չպետք է մենակ մնան»: