«Արևմուտքը լուծում է մեկ խնդիր՝ ռուսական զինական ներկայությունը ՀՀ-ից պետք է դուրս թռնի». Հայկ Նահապետյան

«Արևմուտքը ողջունում է Արցախը 100 տոկոսանոց կապիտուլյացիայի փաստաթուղթ ստորագրելու կամ գործընթացը վերջին հանգրվանին բերելու՝ ՀՀ ու Ադրբեջանի ղեկավարների ջանքերը»,- «Խոսքի իրավունք» հաղորդաշարի եթերում ասել է ռազմական փորձագետ Հայկ Նահապետյանը: Նրա խոսքով՝ Արևմուտքը երկու «արդյունք» է գրանցել՝ Արցախը շրջափակված է, Փաշինյանը Լեռնային Ղարաբաղը ճանաչել է որպես Ադրբեջանի մաս: «Արևմուտքն առարկայապես լուծում է մեկ պարզ խնդիր՝ ռուսական զինական ներկայությունը ՀՀ-ից պետք է դուրս թռնի: Հավաքական արևմուտքի կողմից ՌԴ-ի դեմ երկրորդ ճակատ բացելուց և Իրանի դեմ ռազմական գործողություններ սկսելուց ՌԴ ռազմական ներկայությունը խոչընդոտ է»,- ասել է բանախոսը: