«Կանխատեսումների համաձայն աշխարհում աշխատատեղերը կկրճատվեն, և միայն նիկոլի Հայաստանում է ամեն ինչ ընտիր»․ Վահե Դավթյան

Էներգետիկ անվտանգության հարցերով փորձագետ Վահե Դավթյանը ֆեյսբուքյան իր էջում գրել է. «Համաշխարհային տնտեսական ֆորումի կանխատեսումների համաձայն՝ 2027 թ.-ին աշխարհում աշխատատեղերը կկրճատվեն 2%-ով կամ 14 մլն միավորով:
Գլխավոր պատճառների շարքում նշվում են տնտեսական անկումն ու ինֆլյացիան:
Եվ միայն նիկոլի Հայաստանում է ամեն ինչ ընտիր: Աշխատատեղերը շատանում են, տնտեսական աճով աշխարհի առաջատարներից ենք, ՀՆԱ-ն այնքան մեծ է, որ 10 մլրդ դոլարը գերազանցող պետական պարտքն իրենից որևէ խնդիր չի ներկայացնում: Խիստ ժամանակավոր, բացառապես քանակական, այ ոչ թե որակական տնտեսական ակտիվությունն էլ ներկայացվում է որպես կառավարության հանճարի դրսևորում:
Անեկդոտիկ վիճակ է:
- Ըստ փորձագետների՝ վերջին շրջանում մենք սկսել ենք ավելի լավ ապրել:
- Բայց ես, ճիշտն ասած, դա չեմ զգում:
- Այո, բայց չէ որ դուք փորձագետ չեք»: