«Լաչինի միջանցքում անցակետի տեղադրումը խաթարում է վստահություն հաստատելու ջանքերը». Բլինքենը՝ Ալիևին

ԱՄՆ պետքարտուղար Էնթոնի Բլինքենը հեռախոսազրույց է ունեցել Ադրբեջանի նախագահ Իլհամ Ալիևի հետ, որի ընթացքում ընդգծել է խաղաղ բանակցությունների կարևորությունը ու խորը մտահոգություն հայտնել Ադրբեջանի կողմից Լաչինի միջանցքում անցակետ տեղադրելու կապակցությամբ՝ նշելով, որ այն խաթարում է վստահություն հաստատելու ջանքերը, այս մասին հայտնում է «Ամերիկայի ձայն»-ը: Բլինքենն ընդգծել է նաև Լաչինի միջանցքը հնարավորինս շուտ բացելու կարևորությունը: