ԲՏԱ նախարարը՝ տիեզերք ուղարկված հայկական արբանյակի մասին

«Ըստ պայմանագրի՝ նախատեսված է արբանյակի կառավարման կենտրոնը և ընդունիչ կայանը հանձնել շահագործման 2023 թվականի ընթացքում։ Սարքավորումների մեծ մասը մատակարարված է Հայաստան, պարզապես մոնտաժային աշխատանքները չհասցրեցինք»,- այս մասին այսօր լրագրողների հետ զրույցում հայտնել է ԲՏԱ նախարար Ռոբերտ Խաչատրյանը՝ անդրադառնալով հայկական առաջին արբանյակի՝ «ArmSat–1»-ի կառավարումը ՀՀ-ից իրականացնելու գործընթացին։
Լրագրողի՝ երկրորդ արբանյակ ունենալու հնարավորության մասին հարցին, նախարարն արձագանքել է. «Դա դեռ խոսակցությունների փուլում է, մենք բանակցություններ ենք վարում, ծանոթանում ենք շուկայում առկա առաջարկներին, բայց այս պահին դեռ վերջնական առաջարկություն կամ որոշում չկա»,- նշել է Խաչատրյանը։