Վարազդատ Լալայանը՝ աշխարհի առաջնության բրոնզե մեդալակիր

Կոլումբիայում ծանրամարտի տղամարդկանց և կանանց աշխարհի առաջնությունը եզրափակեցին գերծանր քաշային (+109 կգ) տղամարդիկ:

Հայաստանն այստեղ ներկայացնում էին Վարազդատ Լալայանն ու Սիմոն Մարտիրոսյանը, իսկ մեր ընտրանու նախկին անդամ Գոռ Մինասյանը այս անգամ հանդես էր գալիս Բահրեյնի դրոշի ներքո:

Վարազդատ Լալայանը երկամարտում ցույց տվեց 461 կգ արդյունք եւ բավարարվեց աշխարհի առաջնության բրոնզե մեդալով, սակայն պոկում վարժությունում նա հավասար պայքար մղեց վերջին տարիներին անպարտելի համարվող Լաշա Տալախաձեի հետ և նույն 215 կիլոգրամով արժանացավ փոքր արծաթե մեդալի: