Շահումով խաղերի և վիճակախաղերի հարկային տուրքը կավելանա
Այսօր Ազգային ժողովում ՀՀ ֆինանսների փոխնախարար Արման Պողոսյանը ներկայացրել է «Պետական տուրքի մասին», «Վիճակախաղերի մասին», «Շահումով խաղերի, ինտերնետ շահումով խաղերի և խաղատների մասին» օրենքներում լրացումներ և փոփոխություններ կատարելու մասին ՀՀ օրենքների նախագծերի փաթեթը՝ առաջարկելով բարձրացնել ինտերնետ շահումով խաղերի և վիճակախաղերի պետական տուրքի գծով հարկային բեռը։ «Սկսած 2017 թվականից, ոլորտի ծավալները անշեղորեն աճում են: Վիճակագրությունը ցույց է տալիս, որ եթե 2017 թվականին այս խաղադրույքների ծավալը կազմել է շուրջ 140 միլիարդ դրամ, 2018-ին՝ 330 միլիարդ դրամ, 2019-ին՝ 1.1 տրիլիոն դրամ, ապա 2020 թվականին այս ցուցիչը կազմել է 3 տրիլիոն դրամ, իսկ 2021 թվականին 4 տրիլիոն դրամ: 2022 թվականի առաջին 9 ամիսների տվյալներով կատարվել է 4.2 տրիլիոն դրամի խաղադրույք»,- ասել է Պողոսյանը՝ հավելելով․ «Խաղադրույքների այսչափ ինտենսիվ աճը մտահոգիչ է նաև այն առումով, որ Հայաստանի քաղաքացիներն են այդ խաղադրույքները կատարում և նրանք կտրվում են իրական կյանքից, արդյունք ստեղծելու գործընթացներից և ժամանակ վատնում այս հարթակներում»: Նախարարն առաջարկել է նախագծերի փաթեթը կիրառության մեջ դնել վեցամսյա ժամկետից հետո՝ 2023թ․ հուլիսի 1-ից։ |
Արարատի կոնյակի գործարանում վերահսկողություն կիրականացվի
4918:48«Ամիօ բանկ»-ը վերաբրենդավորումից հետո լծվել է ֆիզիկական և իրավաբանական անձանց հարկադիր սննկացման գործընթացին. «Ժողովուրդ»
22809:24Բալթիմորի կամրջի փլուզումն ԱՄՆ-ում 81 մլրդ դոլարի առևտրային ճգնաժամ է առաջացրել (լուսանկար)
759Երեկ, 14:36Crocus City Hall-ը գրավադրված է «Գազպրոմբանկ»-ում
614Երեկ, 13:484 գյուղերի հարող տարածքներում առկա մայրուղային գազատարի վերատեղադրման հարց «Գազպրոմ Արմենիա»-ն չի քննարկել
689Երեկ, 00:06«Արարատի կոնյակի գործարան»-ի արտադրանքի ներմուծումն ու իրացումը Բելառուս արգելվել է
94625.03.2024, 22:06