Երևան`   +1 °C
Այսօր`   Չորեքշաբթի, 01 փետրվարի, 2023 թ.

Հայ հրաձիգները 1 ոսկե և 2 արծաթե մեդալ են նվաճել

1180
Երեքշաբթի, 29 նոյեմբերի, 2022 թ., 00:18
Հայ հրաձիգները 1 ոսկե և 2 արծաթե մեդալ են նվաճել

Հայ հրաձիգները 1 ոսկե և 2 արծաթե մեդալ են նվաճել Լեհաստանի բաց առաջնությունում: Տեղեկությունը հայտնում է ՀՀ կրթության, գիտության, մշակույթի և սպորտի նախարարության մամուլի ծառայությունը։
Առաջնության հաղթողի տիտղոսը նվաճել է հրաձիգ Էլմիրա Կարապետյանը։ Մարզուհին այդպիսով արդեն ապահովել է իր մասնակցությունը Փարիզի 2024 թվականի Օլիմպիական խաղերին:
«Ատրճանակ մրցաձևի 10 մ վարժությունում Էլմիրան վաստակել է 578 միավոր և արժանացել ոսկե մեդալի»,– հայտնում են նախարարությունից։
Ատրճանակ մրցաձևի տղամարդկանց պայքարում էլ Բենիկ Խլղաթյանն արծաթե մեդալ է նվաճել։ Նա 580 միավորով զբաղեցրել է երկրորդ հորիզոնականը:
Էլմիրա Կարապետյանն ու Բենիկ Խլղաթյանը մասնակցել են նաև խառը մրցաձևին։ 290+284 միավորների հանրագումարով նրանք երկրորդ հորիզոնականում են:
Հայաստանի մյուս ներկայացուցիչ, հրացան ձևի մարզիկ Հրաչյա Բաբայանը դուրս է եկել եզրափակիչ, սակայն վերջնարդյունքում դուրս է մնացել մեդալային պայքարից:
Հիշեցնենք, որ Լեհաստանի բաց առաջնությունն անցկացվում էր նոյեմբերի 22-27–ը։ Մրցաշարին 8 երկրի 86 մարզիկ-մարզուհի է մասնակցել: