Սլովենիայում կայանալիք միջազգային մրցաշարին Հայաստանը կներկայանա 11 մարզիկով

Սլովենիայում կայանալիք «Արծաթե գոտի» անվանումը կրող բռնցքամարտի անդրանիկ միջազգային մրցաշարին Հայաստանը կներկայանա 11 մարզիկով: 51 կգ քաշային կարգում հանդես կգա Բարեղամ Հարությոնյանը, 54 -ում Ջանիկ Սահակյանը, 57-ում Եվրոպայի փոխչեմպիոն Արթուր Բազեյանը: 60 կգ քաշային կարգում Արթուր Ղազարյանն է, 63,5-ում Նարեկ Հովհաննիսյանը: 67 կգ քաշային կարգում ելույթ կունենա Գուրգեն Մադոյանը, 71-ում Նարեկ Զախարյանը, 80-ում Համբարձում Հակոբյանը: 86 կգ քաշային կարգում ելույթ կունենա Եվրոպայի փոխչեմպիոն Ռաֆայել Հովհաննիսյանը, 92-ում Եվրոպայի առաջնության բրոնզե մեդալակիր Նարեկ Մանասյանը, իսկ գերծանր քաշային կարգում աշխարհի փոխչեմպիոն Դավիթ Չալոյանը: Մեր ընտրանին մրցավայր կմեկնի Կարեն Աղամալյանի գլխավորությամբ, այս մասին հայտնում է Հայաստանի բռնցքամարտի ֆեդերացիան: