«Վրաստանը չի վերադարձնի Հարավային Օսիան և Աբխազիան ռազմական ճանապարհով». Զուրաբիշվիլի
Վրաստանի նախագահ Սալոմե Զուրաբիշվիլին հայտարարել է, որ իր երկիրը չի օգտվի ուկրաինական պատերազմից՝ ռազմական ճանապարհով իր տարածքները վերադարձնելու համար, փոխանցում է «Էխո Կավկազա»-ն։ «Սա ակնհայտ է, ևս մեկ ռուսական ապատեղեկատվություն»,- ասել է Զուրաբիշվիլին՝ ելույթ ունենալով Թբիլիսիի Ազատության հրապարակում՝ երկրի Անկախության օրվա կապակցությամբ։ «Եվս մեկ անգամ դիմում եմ ձեզ՝ Աբխազիայի և Ցխինվալիի մեր քաղաքացիներին. հաստատում եմ, որ Վրաստանը ձեր դեմ պատերազմով և ուժով ոչինչ չի ծրագրում։ Այսօր բոլորի համար պարզ է, թե որ երկիրն է սպառնում իր հարևանների ինքնիշխանությանը, ինքնությանը, կյանքին։ Եվ սա Վրաստանը չէ։ Մենք ձեզ առաջարկում ենք ձեր լեզվի, ինքնության, պատմության, մշակույթի ազատություն, հարգանք և պաշտպանություն»,- ասել է Վրաստանի նախագահը։ Զուրաբիշվիլին Ռուսաստանին Հարավային Օսիայի միացման հարցով հանրաքվե անցկացնելու նախաձեռնությունը ռուսական հերթական սադրանքն ու անեքսիայի սպառնալիքն է անվանել։ «Մենք չենք կարող Ռուսաստանին թույլ տալ ևս մեկ ճակատագրական սխալ թույլ տալ և կրկին անտեսել միջազգային իրավունքի նորմերը և սկզբունքները։ Սա անպատասխան չի մնա և կառաջացնի միջազգային հանրության համապատասխան արձագանքը»,- հավելել է Զուրաբիշվիլին։ |
«Այսօր որևէ մեկը չի խոսում թուրքերի կողմից զավթված մեր սեփականության մասին». Տիգրան Պետրոսյան
7403:06«Աննային մուծվում էին նաև, երբ նա «Հայկական ժամանակ» թերթի լրագրող էր». Նարինե Կիրակոսյան
8702:18Դերասան Արման Նավասարդյանը Կիրանցում է (տեսանյութ)
8800:54«Հարյուրավոր մեր քաղաքացիներ իրենց վկայականները ձեռքներն սպասում են ձեզ, այ ըտեղ վեր ընգած ոչմիբաներ». Գառնիկ Դանիելյան (տեսանյութ)
8800:48«Ազգ, որին համառորեն փորձում են դարձնել մաթևոսյանական հանճարով նկարագրված կով». Արմեն Աշոտյան
9300:24«Կիրանցում մարդկանց մի մասն իրենց երեխաներին հանել է գյուղից». Գոհար Վարդանյան
9000:18