Ապրանքանիշեր, որոնց բացակայությունն ամենաշատն է հուզում ռուսներին

Հայտարարված հակառուսական պատժամիջոցները Ռուսաստանից արտասահմանյան ապրանքանիշերի զանգվածային արտահոսքի կամ դրանց գործունեության կասեցման պատճառ դարձան։ Հեռացած ընկերությունների թիվն արդեն հարյուրների է հասնում։

Romir ուսումնասիրության համաձայն, ռուսներն ամենից շատ ափսոսում են էլեկտրոնիկայի և կենցաղային տեխնիկա արտադրողների հեռանալու համար: Երկրորդ տեղում նորաձևության ապրանքանիշերն են, հագուստն ու կոշիկները։ Ռուսաստանցիների կեսը շատ է տխրել արտասահմանյան մեքենաների անհասանելիության պատճառով։

Սակայն բնակիչներին ամենաքիչն է անհանգստացնում արտասահմանյան գարեջրի և թունդ ալկոհոլի ապրանքանիշերի հեռանալը. հարցվածների համապատասխանաբար 41%-ը և 37%-ը ասել են, որ չեն ցանկանում, որ այդ ապրանքները վերադառնան ռուսական շուկա: 39%-ն առանձնապես չի կարոտում արտասահմանյան սննդի ցանցերը: