«Թուրքիայի քաղաքացիները ՀՀ-ում 72 գույք են ձեռք բերել, Ադրբեջանի քաղաքացիները՝ 5»․ Ս. Թովմասյան

«ՀՀ-ում գույք ձեռք բերելու վերաբերյալ կարգավորումներն այնպիսին են, որ ոչ գյուղատնտեսական նշանակության անշարժ գույք կարող են ձեռք բերել ցանկացած պետության քաղաքացիներ»,- այս մասին ԱԺ-ում լրագրողների հետ զրույցում նշել է Կադաստրի կոմիտեի ղեկավար Սուրեն Թովմասյանը։ «Եթե չեմ սխալվում, 2002-ից սկսած, այսինքն՝ իրավունքների գրանցման կետից սկսած մինչև այսօր ունեցել ենք ընդամենը 72 միավոր անշարժ գույքի ձեռքբերում Թուրքիայի քաղաքացիների կողմից»,- ասել է նա:

«Երբ Ադրբեջանի քաղաքացիներն այստեղ գույք են ձեռք բերում, իրենք ունենում են ճամփորդական անձնագրեր: Այսինքն մեզ մոտ ստանում են համապատասխան ճամփորդական անձնագիր: Այդ անձնագիրը ստանալու պրոցեդուրայի ընթացքում ձեր բոլոր մտավախությունները փարատվում են: Եթե չեմ սխալվում, Ադրբեջանի քաղաքացիները, ովքեր ունեն Հայաստանի ճամփորդական անձնագիր, 5 կամ 6 հոգի են»,- հավելել է պաշտոնյան: