«Մի՛ լռեք. այս փխրուն լռության մեջ մենք կկործանվենք». Զեմֆիրան նոր տեսահոլովակ է ներկայացրել

Զեմֆիրան նոր տեսահոլովակ է հրապարակել «Մի կրակիր» երգի համար։ Երգչուհին այս ստեղծագործությունը գրել է դեռ 2005 թվականին, հինգ տարի անց այն թողարկվել է Z-Sides հավաքածուում։ Սև-սպիտակ տեսահոլովակը, որում Զեմֆիրան երգում և սինթեզատոր է նվագում, ուղեկցվում է Ուկրաինայում ռազմական գործողությունների և ավերածությունների կադրերով: Միևնույն ժամանակ, երգչուհին ջնջել է իր բոլոր նախկին տեսանյութերը YouTube-ից՝ թողնելով միայն «Մի կրակիր»-ը և «Ocean Elzy»-ի «Vіdpusti» երգի շապիկը, որը նկարահանվել է 2008 թվականին։

Փետրվարի 24-ին, Ուկրաինայում պատերազմի սկսվելու օրը, Զեմֆիրան երկարատև դադարից հետո ելույթ ունեցավ մենահամերգով Մոսկվայում՝ Borderline ալբոմի շնորհանդեսով։ Հետո երգեց նաև «Մի կրակիր» երգը, այն սկսելով «Այսօր բոլորը դժվար օր ունեցան» խոսքերով։

Նույն օրը նրա սոցցանցերում հայտնվեց մի գրառում, որում արտիստուհին մասնավորապես ասում էր. «Տխուր եմ, դժվար է, լացում եմ։ Ես պատերազմ չեմ ուզում»: Ավելի ուշ գրառումը ջնջվել է, սակայն նրա սոցցանցերում մնացել է «Ոչ պատերազմին» կարգախոսը։ Ավելի ուշ հաղորդվել է, որ երգչուհին լքել է Ռուսաստանը, սակայն նա պաշտոնապես դա չի հաստատել։