Ռեմի Փանոսյան ջազ տրիոյի համերգը՝ Առնո Բաբաջանյան համերգասրահում

Փետրվարի 27-ին ժամը 19-ին Առնո Բաբաջանյան համերգասրահում իսկական ջազի սիրահարներին սպասվում է անմոռանալի հանդիպում Ռեմի Փանոսյան ջազ տրիոյի հետ:

Ռեմի Փանոսյան ջազ տրիոն հիմնադրվել է 2009 թվականին Ֆրանսիայում և հասցրել է 500-ից ավել համերգներով հանդես գալ շուրջ 40 երկրում։ Խմբին աննախադեպ հաջողություն բերեց, հատկապես, տրիոյի 10-ամյակին նվիրված հոբելյանական 5-րդ ալբոմը ("In Odd We Trust")։ Այն ներառված է մի շարք նշանավոր ռադիոալիքների ալբոմների ցանկում և երկար ժամանակ առաջնորդում էր Deezer, Spotify և այլ հարթակների երաժշտացանկերը։
Տրիոյի կազմում են՝
Ռեմի Փանոսյան՝ դաշնամուր
Մաքսիմ Դելպորտ՝ կոնտրաբաս
Ֆրեդ Պետիպրե՝ հարվածային գործիքներ

Ջազ տրիոյի համերգը նեկայացնում են Ջազի հայկական ասոցիացիան՝ Հայաստանում Ֆրանսիայի դեսպանության և Հայաստանի պետական ֆիլհարմոնիայի հետ համատեղ: