Ռոբերտ Քոչարյանի և Արմեն Գևորգյանի գործով դատական նիստը հետաձգվեց

ՀՀ երկրորդ նախագահ Ռոբերտ Քոչարյանի և նախկին վարչապետ, այժմ պատգամավոր Արմեն Գևորգյանի գործով դատական նիստը հետաձգվեց։ Արմեն Գևորգյանի պաշտպան Լուսինե Սահակյանը դատարանին տեղեկացրել էր, որ վատառողջ է և չի կարող մասնակցել նիստին, իսկ մյուս պաշտպան Ալեքսանդր Կոչուբաևը գրությամբ հայտնել էր, որ իր և Արմեն Գևորգյանի միջև համաձայնությունը լուծվել է և խնդրել էր դադարեցնել պաշտպանի կարգավիճակը։

Արմեն Գևորգյանը միջնորդություն էր ներկայացրել՝ ՀՀ-ից ժամանակավորապես բացակայելու վերաբերյալ։

Գևորգյանն առաջարկեց միջնորդությունը քննարկել պաշտպանների ներկայությամբ, ուստի այսօրվա դատական նիստը հետաձգվեց։

Հաջորդ նիստը տեղի կունենա դեկտեմբերի 21-ին՝ ժամը 13։00-ին։