Դավիթ Չայոյանը հաղթել է ադրբեջանցի Աբդուլաևին. նա ԱԱ եզրափակչում է

Դավիթ Չալոյանը Բելգրադում ընթացող բռնցքամարտի Աշխարհի առաջնության եզրափակչում է ու կպայքարի ոսկու համար:

Կիսաեզրափակչում նա հանդիպել է ադրբեջանցի Մոհամադ Աբդուլաեւին։ Բռնցքամարտիկները դիտարժան մենամարտ են նվիրել հանդիսականների՝ լի հարվածներով ու անզիջում պայքարով։

Չալոյանը հիանալի տեսք է ունեցել ու մեծ առավելությամբ հաղթել մրցակցին։ Եզրափակիչը կայանալու է նոյեմբերի 6-ին։

Իսկ երեկոյան ռինգ է դուրս գալու Եվրոպայի չեմպիոն, Աշխարհի ու Օլիմպիական խաղերի բրոնզե մեդալակիր Հովհաննես Բաչկովը (63,5 կգ): Նա ուժերն է չափելու կուբացի Էնդի Կրուս Գոմեսի հետ: