Ալեքսանդր Լազարյանը՝ ծանրամարտի պատանիների աշխարհի չեմպիոն

Սաուդյան Արաբիայի Թագավորությունում շարունակվում է ծանրամարտի աշխարհի պատանեկան առաջնությունը: Այսօր մրցահարթակում պայքարն սկսել էր 89 կգ քաշային Ալեքսանդր Լազարյանը: Պոկում վարժությունում հաջորդաբար բարձրացնելով 134, 137 և 141 կգ՝ նա ցույց տվեց 4-րդ արդյունքը:

Սակայն հրում վարժությունում մեր ծանրորդը մոտեցումները սկսեց այն ժամանակ, երբ պոկումում լավագույն երկու արդյունքը ցույց տված թուրք ծանրորդներն արդեն ավարտել էին իրենց մոտեցումները 170 կգ արդյունքով: Ալեքսանդրը սկզբում բարձրացրեց 172, այնուհետև՝ 178, իսկ վերջին մոտեցմամբ՝ 182 կիլոգրամ և նվաճեց ինչպես հրում վարժության, այնպես էլ երկամարտի արդյունքով՝ 323 կգ, աշխարհի չեմպիոնի տիտղոսը: