«Սաակաշվիլիին բանտում հեռուստացույց ու ներքնակ չեն տրամադրում». փաստաբան

Փաստաբան Գեորգի Գելխաուրին, ով նախօրեին այցելել էր Վրաստանի նախկին նախագահ Միխայիլ Սաակաշվիլիին, լրագրողների հետ զրույցում ասել է, որ կալանավայրում իր պաշտպանյալի համար կենցաղային պայմանները բացակայում են: «Նրա նկատմամբ ընդգծված վատ վերաբերմունք են ցուցաբերում. չեն տրամադրում ներքնակ ու հեռուստացույց, որի իրավունք ունի և որով օգտվում են մյուս կասկածյալները»,- ասել է նա: