ՄԱԿ-ի գլխավոր քարտուղարը հույս ունի, որ Հայաստանի ու Ադրբեջանի միջև երկխոսությունը կշարունակվի

ՄԱԿ-ի գլխավոր քարտուղարը հույս է հայտնել, որ Հայաստանն ու Ադրբեջանը կշարունակեն երկխոսությունը, որը տեղի էր ունեցել ՄԱԿ-ի Գլխավոր վեհաժողովի շրջանակներում, փոխանցում է ТАСС-ը: «Գլխավոր քարտուղարը ողջունում է նախարարների երկխոսության վերսկսումը Լեռնային Ղարաբաղի և նրա շուրջ հակամարտությունից մեկ տարի անց, և հույս ունի, որ այդ ջանքերը կշարունակվեն՝ դառնալով ավելի լայն երկխոսության մաս՝ առկա խնդիրները լուծելու և կայուն խաղաղ կարգավորման հասնելու համար»,- ասվում է գլխավոր քարտուղարության հայտարարության մեջ: