«Կարող ենք ետ բերել առաջատարի դիրքերը». Եվրոպայում ՀՖՖ դեսպան

Հայաստանի ֆուտբոլի ազգային հավաքականի նախկին կիսապաշտպան, Եվրոպայում ՀՖՖ դեսպան Լևոն Պաչաջյանը ֆեյսբուքյան իր էջում գրել է. «Ընդամենը երկու օր անց, մենք կարող ենք ետ բերել առաջատարի դիրքերը, կամ էլ, էլ ավելի ամրապնդվել երկրորդ տեղում: Սա ֆուտբոլ է, ովքեր հետևողական և առանց կասկածի գնում են դեպի իրենց նպատակ ապա՝ վաղ թե ուշ արդյունքները իրենց մասին հիշեցնում են:
Երեկվա ֆուտբոլային «ապտակից» հետո, հիմա ավելի սառը, ավելի հանգիստ կարող ենք վերլուծել մեր սխալները և պատրաստվել անչափ կարևոր հաջորդ խաղին: Ու ինչպես երեկ, այսօր նույնպես պետք է հիշեցնեմ: Հարգելի երկրպագուներ՝ ֆուտբոլը կոլեկտիվ խաղ է, և ինչքան մենք բոլորս իրար հետ ենք, իրար հավատում ենք, էնքան էլ ավելի է մեծանում մեր հաջողության գործակիցը»: