«Չնայած՝ ՀՀ-ից պարաօլիմպիկ խաղերի մեկ մասնակից կա, Արմեն Սարգսյանը չի մասնակցել բացման արարողությանը»․ Էդգար Ղազարյան

ՍԴ աշխատակազմի նախկին ղեկավար Էդգար Ղազարյանը ֆեյսբուքյան իր էջում գրել է․ «2021 թվականի սեպտեմբերի 5-ին Ճապոնիայի մայրաքաղաք Տոկիոյում ավարտվելու են օգոստոսի 24-ից մեկնարկած և ամառային օլիմպիական խաղերին հաջորդող պարաօլիմպիկ խաղերը։ Չնայած այն փաստին, որ Հայաստանից կա մեկ մասնակից՝ Հանրապետության նախագահ Արմեն Սարգսյանը չի մասնակցել խաղերի բացման արարողությանը, որևէ տեղեկություն չկա փակման առթիվ նրա Ճապոնիա գնալու և այնտեղ մի շարք խոշոր ընկերությունների ղեկավարների հետ կրկին հանդիպելու մասին, հանդես չի եկել որևէ ուղերձով:
Զարմանալիորեն օգոստոսի 24-ից սեպտեմբերի 5-ը Տոկիո գործուղման չի գնացել նաև ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանը»։