«Քաշաթաղի Սուրբ Համբարձման եկեղեցին այսօր լքված է, իսկ շուրջը՝ թալանված»․ Նարինե Կիրակոսյան

Բնապահպան, լրագրող Նարինե Կիրակոսյանը ֆեյսբուքյան իր էջում գրել է. «Բերձորի/Լաչինի՝ Քաշաթաղի Սուրբ Համբարձման եկեղեցին է, որը կառուցվել էր 23 տարի առաջ։ Այսօր այն լքված է, իսկ շուրջը՝ ամենը թալանված։ Չկան շատ ցուցանակներ, մինչ ջրի ծորակից սկսած՝ ինչ-որ բաշիբոզուկներ թալանել են նույնիսկ զուգարանը և պատուհաններից հետ թալանել են նաև կողքի հյուրատունը։ Ոչ մեկը չկա այստեղ․ ոչ հոգևորական, ոչ պահակ։ Բուն եկեղեցու դռներն էլ են փակ, եկողն էլ պատերի տակ մոմ է վառում և շարունակում իր ճանապարհը։ Իսկ չէ՞ որ, այսպես ասված, Լաչինի միջանցքը վերահսկվում է ռուսական խաղապահների կողմից, և արդեն իսկ այդքան էլ վտանգավոր չէ։ Ռուսական խաղաղապահները գրեթե ամեն քայլափոխին են Բերձոր/Լաչինում․ հսկում և ստուգում են անընդհատ (շների հետ էլ են նույնիսկ շրջում, որ ական դրած չլինեն)։ Որոշ տեղերում, օրինակ, Աղավնոյում տեղացիները չեն հեռացել, մնացել են և իրենց գյուղով աշխարհազոր կազմել։ Թեպետ հենց Աղավնոյում էլ են ռուսները տեղակայվել։
Այստեղ դնում եմ «Շողակաթ» հեռուստաընկերության 2018 թվականի ռեպորտաժը եկեղեցու մասին, որ համեմատեք՝ ինչ կար ու հիմա ինչ վիճակ է։