Մահացել է ֆրանսիացի սցենարիստ և ռեժիսոր Ժան-Կլոդ Կարյերը

5674

Երեքշաբթի, 09 փետրվարի, 2021 թ., 11:10

89 տարեկանում մահացել է ֆրանսիացի սցենարիստ և ռեժիսոր Ժան-Կլոդ Կարյերը, հաղորդել է BFMTV հեռուստաալիքը՝ հղում անելով նրա դստերը:

Նա ասել է, որ հայրը մահացել է քնած ժամանակ՝ Փարիզի իր տանը։ Ռեժիսորը որևէ հիվանդություն չի ունեցել, հստակեցրել է նրա դուստրը։

Նրան կհուղարկավորեն իր ծննդավայրում՝ Ֆրանսիայի Կոլոմբիեր-սյուր-Օրբ գյուղում։

Կարյերն «Օսկար» մրցանակի դափնեկիր է՝ «Ուրախ տարեդարձ» կարճամետրաժ ֆիլմի համար, որտեղ միաժամանակ հանդես է եկել որպես ռեժիսոր և սցենարիստ:

Նա հայտնի է որպես ավելի քան 140 ֆիլմի սցենարիստ, որոնց թվում են՝ «Կեցության անտանելի թեթևությունը», «Վան Գոգ․ Հավերժության շեմին», «Սիրանո դը Բերժըրակ», «Բուրժուազիայի համեստ հմայքը»: