«Նա այն գավառական ծաղրածու Հայկոյի միջնորդությամբ հայտնվեց ոստիկանության պետի տեղակալի պաշտոնում». Սայաթ Շիրինյան

«Ես պիտի անդրադառնամ ևս մեկին, որի հետ ժամանակին աշխատել եմ: Նրա հայրը Վլադիմիր Մովսիսյանն է, շատ հարգարժան մի մարդ, որը հանուն պետության աշխատեց և շատ լավ աշխատեց, բայց ես չեմ կարողանում հասկանալ Մովսիսյան Վարդանին, որը ժամանակին եղել է մասնագիտությամբ բժիշկ, աշխատել է բուժվարչության պետ»,- հրավիրած ասուլիսում՝ անդրադառնալով ոստիկանական համակարգի այսօրվա գործունեությանը, մասնավորապես փոխոստիկանապետ Վարդան Մովսիսյանին, ասաց Ոստիկանության գնդապետ Սայաթ Շիրինյանը:

«Նա այն գավառական ծաղրածու Հայկոյի միջնորդությամբ հայտնվեց ոստիկանության պետի տեղակալի պաշտոնում»,- շարունակեց գնդապետը՝ խոսքն ուղղելով փոխոստիկանապետին. «Վարդա՛ն Մովսիսյան, դու ունեցել ես փառահեղ հայր, ոչինչ չե՞ս սովորել իրենից: Ի՞նչ կարող ես դու տալ ոստիկանության համակարգին: Հասկանո՞ւմ ես, որ քո ներկայությունն ուղղակի վարկաբեկում է համակարգը»: