Երևան`   +5 °C
Այսօր`   Չորեքշաբթի, 18 նոյեմբերի, 2026 թ.

«Արտակարգ դրությունը չի երկարաձգվի, իսկ ավարտից հետո կգործեն այլ սահմանափակումներ». Ռուստամ Բադասյան

950
Հինգշաբթի, 27 օգոստոսի, 2020 թ., 12:10
«Արտակարգ դրությունը չի երկարաձգվի, իսկ ավարտից հետո կգործեն այլ սահմանափակումներ». Ռուստամ Բադասյան

Կառավարության այսօրվա նիստում արդարադատության նախարար Ռուստամ Բադասյանը քննարկման ներկայացրեց առողջապահության նախարարության հետ մշակած նախագծերի փաթեթ, որում առաջարկվում է չերկարաձգել արտակարգ դրությունը:

«Ինչպես բազմիցս քննարկել ենք, հնարավոր է իրավիճակ, երբ վարակի աճի տեմպերի նվազեցումը հնարավորություն տա իրավաչափ նպատակին, այն է՝ համաճարակի դեմ պայքարելուն և քաղաքացիների կյանքն ու առողջությունը պաշտպանելուն հասնել առանց արտակարգ դրության իրավական ռեժիմի: Հենց այս նկատառումներով էլ մշակել ենք այս նախագծերի փաթեթը: Օրենքների փաթեթը համապատասխան ժամկետում ընդունվելու դեպքում հնարավոր կլինի ՀՀ-ում մինչև սեպտեմբերի 11-ը երկարաձգված արտակարգ դրությունն այլևս չերկարաձգել, իսկ դրա ավարտից հետո կսկսեն գործել նախագծերում առաջարկվող միջոցառումներն ու սահմանափակումները»,- նշեց նախարարը:

Կառավարության կողմից միաձայն ընդունվեց որոշման նախագիծը:

«Արտակարգ դրությունը չի երկարաձգվի, իսկ ավարտից հետո կգործեն այլ սահմանափակումներ». Ռ. Բադասյան