Երևան`   +11 °C
Այսօր`   Ուրբաթ, 30 հոկտեմբերի, 2020 թ.

Մեկ ամսում մահացել են Լարի Քինգի երկու զավակները

3755
Շաբաթ, 22 օգոստոսի, 2020 թ., 16:10
Մեկ ամսում մահացել են Լարի Քինգի երկու զավակները

Ամերիկացի հայտնի հեռուստահաղորդավար Լարի Քինգի հինգ երեխաներից երկուսը մահացել են վերջին մի քանի շաբաթների ընթացքում: Նախ մահացել է Քինգի 65-ամյա որդին՝ Էնդին, իսկ անցած հինգշաբթի՝ 51-ամյա Չայա Քինգը, որը պայքարում էր թոքերի քաղցկեղի դեմ։ Էնդին որդեգրված էր: Նրա մահվան պատճառը դեռևս չի հաղորդվել։
2019-ին 86-ամյա հեռուստահաղորդավարը գտնվում էր մահվան շեմին․ նա ծանր ինսուլտ էր տարել։
Նշենք, որ «Լարի Քինգ» հեռուստաշոուն, որը փակվեց 2010-ին, գրանցված է Գինեսի ռեկորդների գրքում՝ որպես միակ հեռուստաշոու, որն անընդմեջ վարել է նույն անձը։
Իր կարիերայի ընթացքում Քինգն ավելի քան 50 հազար հարցազրույց է անցկացրել քաղաքական գործիչների, շոու բիզնեսի աստղերի և հայտնի այլ մարդկանց հետ: