Գռզոն դարձել է «Լիդիան Արմենիա» ընկերության բաժնետեր

Ավելի վաղ հայտնի էր դարձել, որ «Լիդիան Արմենիա»-ն և ՀՀ իշխանությունները ստվերային բանակցություններ են սկսել Ամուլսարի հանքի շահագործման հարցով։

Մասնավորապես, «Անտիֆեյք»-ը գրել էր, որ բանակցություններում իշխանության ներկայացուցիչը ԱԺ փոխխոսնակ Ալեն Սիմոնյանն է, իսկ «Լիդիան Արմենիա»-ի շահերը ներկայացնում է ընկերության PR պատասխանատու Աննա Սաղաբալյանի ամուսինը՝ Վահան Հովհաննիսյանը։

Ասում են՝ դեռևս դեկտեմբերին «Սիլ» կոնցեռնի ղեկավար, հայտնի գործարար Խաչատուր Սուքիասյանը (Գռզո) դարձել է «Լիդիան Արմենիա» ընկերության բաժնետեր։ Վերջինը թեև ֆեյսբուքյան իր էջում հերքել է այդ լուրը՝ հավելելով, որ կապ չունի Ալեն Սիմոնյանի հանդիպումների հետ, օգտատերերը շարունակում են տարածել լուսանկարն ու գրել, որ բանակցություններում ԱԺ փոխխոսնակը պաշտպանում է նաև Սուքիասյանի շահերը:

Հիշեցնենք՝ 2019-ին սեպտեմբերի 21-ի հարցազրույցում Խաչատուր Սուքիասյանը կարծիք էր հայտնել, որ Ամուլսարի հանքի շահագործմանը «փայլուն է վերաբերվում»: