Երևան`   +10 °C
Այսօր`   Չորեքշաբթի, 18 նոյեմբերի, 2026 թ.

«Հարկային եկամուտները 170 մլրդ դրամով պակաս կլինեն». Ֆինանսների նախարար

387
Հինգշաբթի, 23 ապրիլի, 2020 թ., 16:00
«Հարկային եկամուտները 170 մլրդ դրամով պակաս կլինեն». Ֆինանսների նախարար

Կանխատեսված 161 մլրդի փոխարեն 2020թ. բյուջեի դեֆիցիտը կլինի 324 մլրդ դրամ: Դա կլինի վերանայված ՀՆԱ-ի 5%-ը՝ կանխատեսված 2,3-ի փոխարեն․ նման կանխատեսում ներկայացրեց Ֆինանսների նախարար Ատոմ Ջանջուղազյանը: Նախարարի վկայությամբ՝ ակնկալվում է, որ 170 մլրդ դրամով պակաս կլինեն նաև հարկային եկամուտները:

Թե որքան կլինի պետական պարտքը, Ա. Ջանջուղազյանը դժվարացավ ասել․ դեռ վերջնական չէ այն հարաբերակցությունը, թե ինչ չափով միջոցներ կտրամադրվեն արտաքին աղբյուրներից և որքան՝ ներքին շուկայում՝ պետական պարտատոմսեր տեղաբաշխելու ճանապարհով:

Ինչ վերաբերում է սոցիալական ծրագրերի իրականացման հարցում փոփոխություն լինելու հնարավորությանը, ապա մինչ այժմ նման հարց կառավարությունում չի քննարկվել: Նշենք, որ բյուջեի փոփոխված նախագիծն առաջիկայում ներկայացվելու է ԱԺ: