Երևան`   +4 °C
Այսօր`   Հինգշաբթի, 19 նոյեմբերի, 2026 թ.

Թրամփը ներկայացրել է սանիտարական սահմանափակումների չեղարկման եռափուլ ծրագիրը

2984
Ուրբաթ, 17 ապրիլի, 2020 թ., 12:15
Թրամփը ներկայացրել է սանիտարական սահմանափակումների չեղարկման եռափուլ ծրագիրը

ԱՄՆ նախագահ Դոնալդ Թրամփը հայտարարել է, որ ամերիկյան իշխանությունները սկսում են սանիտարական սահմանափակումների չեղարկման եռափուլ ծրագիրը, իսկ ուրբաթ օրվանից կարող են վերսկսել տնտեսական գործունեությունը փուլային եղանակով, գրում է Интерфакс-ը։

Առաջին փուլում առաջարկվում է պահպանել սոցիալական հեռավորության խիստ միջոցները, հատկապես բնակչության խոցելի խմբերում: Հասարակական վայրերում չհավաքվել ավելի քան 10 մարդ և զերծ մնալ գործուղումներից: Այս փուլում ուսումնական հաստատությունները կմնան փակ:

Երկրորդ փուլում նախատեսվում է բացել ուսումնական հաստատությունները, հնարավոր կլինի հավաքվել մինչև 50 հոգանոց խմբերով, թույլատրվում է ոչ պարտադիր ճանապարհորդությունները: Այլ միջոցառումները կմնան նույնը: Այս փուլում տարեցներին հնարավոր կլինի այցելել հատուկ թույլտվությամբ։

Երրորդ փուլը ներառում է մարդկանց խոցելի խմբերի համար սահմանափակումների չեղարկումը՝ միաժամանակ պահպանելով սոցիալական հեռավորությունը: Բոլոր հաստատությունները կկարողանան վերսկսել աշխատանքը: