Երևան`   +4 °C
Այսօր`   Հինգշաբթի, 19 նոյեմբերի, 2026 թ.

Ուհանում #COVID_19 կորոնավիրուսից մահվան դեպքերը՝ վերահաշվարկից հետո

1249
Ուրբաթ, 17 ապրիլի, 2020 թ., 19:05
Ուհանում #COVID_19 կորոնավիրուսից մահվան դեպքերը՝ վերահաշվարկից հետո

Չինաստանի Ուհան քաղաքում (Հուբեյի նահանգ) կորոնավիրուսից մահացությունների թիվը վերահաշվարկից հետո ավելացել է գրեթե 1․290 դեպքով՝ հասնելով մինչև 3․869-ի, վարակակիրների թիվն ավելացել է 325-ով և հասել 50․333-ի: Այս մասին հայտարարել է Չինաստանի համաճարակների վերահսկման և կանխարգելման կենտրոնը։

Համաձայն զեկույցի՝ արձանագրված նոր տվյալները կապված են համաճարակի տարածման վաղ փուլում վիճակագրության վերանայման հետ, երբ հիվանդության սրընթաց բռնկման և հիվանդանոցներում մարդկանց հոսքի մեծացման հետ անհնար էր արձանագրել վարակի բոլոր դեպքերը: Տարբեր նախարարությունների և գերատեսչությունների, պետական և մասնավոր հիվանդանոցների, տարածքային ստորաբաժանումների զեկույցները վերանայվել են: Որոշ դեպքերում մահվան դեպքերը կապված չէին համաճարակի հետ, կամ դրանց մասին հաղորդագրությունները ժամանակին չէին ստացվել կենտրոնի կողմից: