Երևան`   +7 °C
Այսօր`   Շաբաթ, 04 ապրիլի, 2020 թ.

ՀՖԿՍՊԻ-ն ևս անցել է առցանց ուսուցման

165
Ուրբաթ, 20 մարտի, 2020 թ., 14:05
ՀՖԿՍՊԻ-ն ևս անցել է առցանց ուսուցման

ԿԳՄՍՆ-ն տեղեկացնում է․

✅Ելնելով կորոնավիրուսի տարածման կանխարգելման համալիր միջոցառումների իրականացման, զանգվածային հաղորդակցության միջավայրերի սահմանափակման անհրաժեշտությունից՝ Հայաստանի ֆիզիկական կուլտուրայի և սպորտի պետական ինստիտուտն ուսումնական կիսամյակի հնարավոր երկարացումից խուսափելու և բաց թողնված դասերի կուտակումը ու դրանց հավելյալ լրացումը կրճատելու նպատակով սկսել է ուսումնական գործընթացի առցանց կազմակերպումը։

✅Մինչև հանրապետությունում արտակարգ դրության ավարտը՝ ապրիլի 14-ը, բուհի դասախոսներն ուսանողներին էլեկտրոնային փոստով կուղարկեն տեսական դասընթացների նյութերը՝ գրականության ցանկով և քննարկվող թեմայի առանցքային հարցերով, ինչպես նաև գործնական դասընթացների նյութերը և առաջադրանքները: Ուսումնական պրոցեսի համար բուհը կօգտագործի նաև «Zoom» ծարգիրը և ֆեյսբուքյան հարթակը։ Նյութերն ուսանողներին կտրամադրվեն ըստ դասացուցակի:

✅ՀՖԿՍՊԻ-ի ղեկավարությունն ուսանողներին կոչ է արել ցուցաբերել պատասխանատվություն, համախմբվածություն, կանոնավոր (առնվազն օրը մեկ անգամ) ստուգել էլեկտրոնային փոստերը և բարեխղճորեն կատարել դասախոսների ուղարկած հանձնարարությունները: