Իրանում #COVID_19 կորոնավիրուսի վարակակիրների թիվը գերազանցել է 7 հազարը

Իրանում կորոնավիրուսի վարակակիրների թիվը գերազանցել է 7 հազարը, մահացել է 237 մարդ, գրեթե 2,4 հազար մարդ դուրս է գրվել հիվանդանոցներից։ Այս մասին հայտնել է Իրանի առողջապահության նախարարի խորհրդական Ալի Ռեզա Վահաբզադեն:

«Անցած մեկ օրվա ընթացքում երկրում հայտնաբերվել է կորոնավիրուսի 595 նոր դեպք, վարակակիրների թիվը հասել է 7161-ի»,- գրել է Վահաբզադեն՝ Twitter միկրոբոլոգի իր էջում:
«Անցած 24 ժամվա ընթացքում մահացել է 43 հիվանդ»,- հավելել է նախարարի խորհրդականը:
Մեկ օր առաջ Առողջապահության նախարարության պաշտոնական խոսնակ Քիանուշ Ջահանփուրը հաղորդել էր կորոնավիրուսային վարակի նվազման մասին: Եթե մարտի 6-ին Իրանում արձանագրվել էր ռեկորդային 1234 նոր դեպք, ապա նախորդ օրը հայտարարվել էր 743, իսկ այսօր՝ 595 նոր դեպքի մասին: