#COVID_19 կորոնավիրուսի տարածումը մինչև ամառ չի դադարի․ ԱՀԿ

Այս տարվա ամռանը նոր տեսակի կորոնավիրուսի տարածման դադարեցումը քիչ հավանական է: Ուրբաթ օրը Ժնևում կայացած ճեպազրույցի ժամանակ հայտնել է Առողջապահության համաշխարհային կազմակերպության (ԱՀԿ) առողջապահության համաշխարհային ծրագրի տնօրեն Մայքլ Ռայանը. «Մենք պետք է ընդունենք, որ վիրուսը կարող է պահպանել տարածման հնարավորությունը։ Սին հույսերն են, որ կորոնավիրուսը կանհետանա ամռանը՝ ասես սեզոնային գրիպ։ Հուսով ենք, որ դա տեղի կունենա, որը կլիներ անսպասելի հաջողություն, բայց մենք չենք շտապում նման ենթադրություն անել, քանի որ ապացույց չկա»,- նշել է Ռայանը՝ CNBC-ն տված հարցազրույցում: