Երևան`   +6 °C
Այսօր`   Շաբաթ, 21 նոյեմբերի, 2026 թ.

«Ռուսաստանը ստեղծում է մի իրավիճակ, երբ որևէ մեկի մտքով երբեք չի անցնի պայքարել մեր դեմ»․ Պուտին

2335
Երկուշաբթի, 02 մարտի, 2020 թ., 14:40
«Ռուսաստանը ստեղծում է մի իրավիճակ, երբ որևէ մեկի մտքով երբեք չի անցնի պայքարել մեր դեմ»․ Պուտին

Ռուսաստանը չի պատրաստվում պատերազմել որևէ երկրի հետ և ստեղծում է այնպիսի մի իրավիճակ, որը կբացառի այլ երկրներին Մոսկվայի հետ նույնիսկ զինված հակամարտություն սկսելու մտադրությունը: Այս մասին հայտարարել է Ռուսաստանի նախագահ Վլադիմիր Պուտինը՝ «20 հարց Վլադիմիր Պուտինին» ТАСС-ի նախագծի շրջանակում տված հարցազրույցի ընթացքում:
Պուտինը հիշեցրել է, որ Ռուսաստանը պաշտպանական բյուջեի առումով աշխարհում յոթերորդ տեղում է՝ զիջելով Միացյալ Նահանգներին, Չինաստանին, Սաուդյան Արաբիային, Մեծ Բրիտանիային, Ֆրանսիային և Ճապոնիային: «Ավելին, մեր ծախսերը տարեցտարի կրճատվում են, իսկ այլ երկրներում դրանք աճում են»,-հավելել է նա:
Պուտինը նշել է, որ ստեղծել է յուրահատուկ մի իրավիճակ, երբ պաշտպանական ոլորտում Ռուսաստանը դադարել է «հասնել» այլ պետություններին: «Առաջին անգամ մենք ստեղծել ենք հարձակողական սպառազինության այնպիսի համակարգեր, որոնք աշխարհում գոյություն չունեն, հիմա նրանք են ստիպված մեզ «հասնել»։ Սա բացառիկ իրավիճակ է, որը երբեք չի եղել»,- հավելել է նա:
Պուտինը նաև հիշեցրել է, որ եթե 2000-ին ռուսական բանակն ուներ ավելի քան 1,3 միլիոն զինծառայող, իսկ հիմա բավական է նաև 1 միլիոնից մի փոքր ավելի թվաքանակը, իսկ զորքերում ժամանակակից սարքավորումների մասնաբաժինը աճել է՝ 6%-ից հասնելով գրեթե 70%-ի: